News

Shirika la Mawasiliano Tanzania (TTCL) limeendelea kuimarisha ushirikiano wa kimkakati na Serikali ya Finland pamoja na kampuni ya teknolojia ya Nokia, kwa lengo la kuvutia uwekezaji, kuendeleza teknolojia bunifu na kufungua fursa mpya za biashara katika sekta ya TEHAMA. Hayo yamebainishwa kupitia ziara ya ujumbe wa Serikali ya Finland, ukiongozwa na Balozi wa Finland nchini Tanzania, Mhe. Anna Merrifield, uliopokelewa na Mkurugenzi Mkuu wa TTCL, Bw. Moremi Marwa, pamoja na Menejimenti ya Shirika, jijini Dar es Salaam.

Shirika la Mawasiliano Tanzania (TTCL) limeungana na Mashirika, Taasisi na Kampuni mbalimbali za kiserikali katika uzinduzi wa Mashindano ya Michezo ya Mashirika, Taasisi na Makampuni (SHIMMUTA) 2026, yaliyofanyika katika Viwanja vya Jamhuri, mkoani Morogoro. Mashindano hayo yamezinduliwa rasmi na Waziri Mkuu wa Jamhuri ya Muungano wa Tanzania, Mheshimiwa Mwigulu Chemba, yakilenga kuimarisha umoja, mshikamano na afya za wafanyakazi kupitia michezo.

Shirika la Mawasiliano Tanzania (TTCL), kupitia Wafanyakazi wake, linashiriki katika Mashindano ya Michezo ya Mashirika, Taasisi na Makampuni (SHIMMUTA) 2026 yanayofanyika mkoani Morogoro kuanzia Novemba 6 hadi 21, 2026. Mashindano hayo yanayowakutanisha washiriki kutoka mashirika, taasisi na makampuni binafsi zaidi ya 100 yanafanyika chini ya kaulimbiu isemayo “Michezo ituunganishe kuelekea AFCON 2027”, ikiwa ni sehemu ya kuhamasisha mshikamano, umoja na maendeleo ya michezo nchini.

Shirika la Mawasiliano Tanzania (TTCL) limeendelea kuimarisha nafasi ya Tanzania kupitia Mkoa wa Kigoma katika ramani ya mawasiliano ya kikanda kupitia uwekezaji wa kimkakati katika miundombinu ya mawasiliano, hatua inayolenga kuunganisha Tanzania na nchi Jirani ya Kongo pamoja na kuongeza upatikanaji wa huduma za intaneti ya kasi kwa wananchi.

Benki ya EXIM ya China imelipongeza Shirika la Mawasiliano Tanzania (TTCL) kwa uendeshaji bora wa Kituo cha Taifa cha Utunzaji Data kimtandao (National Internet Data Centre – NIDC), kinachosimamiwa na TTCL, hususan katika kuendana na mabadiliko ya teknolojia na kuimarisha utoaji wa huduma za kidijitali nchini. Pongezi hizo zimetolewa leo wakati wa ziara ya ujumbe wa Benki ya EXIM ya China katika kituo hicho, ukiongozwa na Makamu wa Rais wa benki hiyo, Bw. Wang Kang, kwa lengo la kujionea shughuli za uendeshaji wa kituo na namna kinavyotekeleza majukumu yake katika kuhudumia mahitaji ya teknolojia ya habari na mawasiliano.

Shirika la Mawasiliano Tanzania (TTCL) limezindua rasmi zoezi la utoaji wa simu za mezani bila malipo ya ziada kwa wateja wa huduma ya Faiba Mlangoni Kwako (FTTH) wanaotumia vifurushi vya Shilingi 70,000 na kuendelea, ikiwa ni sehemu ya mkakati wa Shirika wa kuongeza thamani ya huduma na kuboresha uzoefu wa wateja. Uzinduzi huo umefanyika Oktoba 28, 2026, katika Kituo cha TTCL Kijitonyama, Dar es Salaam, na kuongozwa na Mkurugenzi wa Biashara wa TTCL, Bw. Vedastus Mwita, ambaye amesema maboresho hayo yanaonesha dhamira ya Shirika ya kuendelea kubuni huduma zinazokidhi mahitaji ya wateja na kuendana na mabadiliko ya teknolojia.

Shirika la Mawasiliano Tanzania (TTCL) limeendelea kupiga hatua katika utekelezaji wa mikakati yake ya ukuaji na upanuzi wa huduma za mawasiliano, kupitia ziara ya kikazi nchini Uingereza iliyolenga kuimarisha ushirikiano wa kimataifa, kuvutia uwekezaji na kutafuta fursa za kushirikiana katika miradi ya kimkakati ya Shirika. Ziara hiyo, iliyofanyika jijini London kuanzia Oktoba 6 hadi 9, 2026, iliongozwa na Mkurugenzi Mkuu wa TTCL, Bw. Moremi Marwa, akiambatana na ujumbe wa Shirika.

Shirika la Mawasiliano Tanzania (TTCL) limeendelea kuandika historia katika sekta ya mawasiliano baada ya kutunukiwa tuzo ya kimataifa ya “Best Application of FTTH Construction”, inayotambua ubora wa utekelezaji wa miundombinu ya intaneti ya kasi kupitia teknolojia ya Fibre to the Home (FTTH). Tuzo hiyo imetolewa katika Jukwaa la Kimataifa la Ultra-Broadband (UBBF) 2026, lililofanyika jijini Vienna, Austria, kuanzia Oktoba 12 hadi 14, 2026, likiwakutanisha wadau mbalimbali wa sekta ya mawasiliano duniani kujadili maendeleo ya teknolojia na mustakabali wa huduma za intaneti ya kasi.

Shirika la Mawasiliano Tanzania (TTCL) limeungana na Ofisi ya Mkuu wa Wilaya ya Ilala katika zoezi la usafi wa mazingira lililofanyika katika eneo la Posta, jijini Dar es Salaam, ikiwa ni sehemu ya utekelezaji wa dhamira ya Shirika ya Uwajibikaji kwa Jamii (CSR), pamoja na kuunga mkono juhudi za Serikali za kuhakikisha mazingira yanakuwa safi, salama na yenye kuvutia. Zoezi hilo, lililoongozwa na Mkuu wa Wilaya ya Ilala, Mhe. Edward Mpogolo, limewakutanisha viongozi na wafanyakazi wa TTCL pamoja na wadau wengine katika kuhamasisha ushiriki wa jamii kwenye shughuli za usafi na utunzaji wa mazingira.

Mwenyekiti wa Ujumbe wa Tanzania katika Umoja wa Mabunge Duniani (IPU), Mhe. Dkt. Damas Ndumbaro (Mb),amelipongeza Shirika la Mawasiliano Tanzania (TTCL) kwa namna linavyotoa huduma za mawasiliano kwa wajumbe na washiriki wa Mkutano wa IPU 2026 unaofanyika jijini Arusha. Dkt. Ndumbaro alitoa pongezi hizo baada ya kutembelea banda la TTCL katika Mkutano wa IPU 2026, mapema leo Oktoba 8, 2026, ambapo alipata fursa ya kufahamu huduma za mawasiliano zinazotolewa na Shirika hilo kwa ajili ya kuwezesha shughuli za mkutano.

Leo, tarehe 7 Oktoba 2026, Mhe. Dkt. Tulia Ackson, Mbunge wa Jimbo la Uyole na Rais wa Umoja wa Mabunge Duniani (IPU) anayemaliza muda wake amekutana na Bi. Linda Mushi, akimwakilisha Meneja wa Mkoa wa TTCL Arusha, wakati wa Mkutano wa 153 wa Umoja wa Mabunge Duniani (IPU) unaoendelea katika Kituo cha Kimataifa cha Mikutano Arusha (AICC).

Shirika la Mawasiliano Tanzania (TTCL) limeendelea kuonesha uwezo wake katika utoaji wa huduma za mawasiliano ya kisasa baada ya kuwezesha huduma za intaneti na mawasiliano katika Mkutano Mkuu wa 153 wa Umoja wa Mabunge Duniani (IPU) unaofanyika katika Kituo cha Mikutano cha Kimataifa Arusha (AICC), jijini Arusha, kuanzia Oktoba 5 hadi Oktoba 9, 2026.

Shirika la Mawasiliano Tanzania (TTCL) linaendelea kuonesha nafasi yake muhimu katika kuwezesha shughuli za Serikali kidijitali kwa kutoa huduma ya intaneti yenye uhakika katika Kikao Kazi cha Wenyeviti wa Bodi na Wakuu wa Taasisi (Chairpersons and CEOs Forum) kilichoandaliwa na Ofisi ya Msajili wa Hazina. Kikao hicho kinachofanyika katika Kituo cha Kimataifa cha Mikutano Arusha (AICC) kimefunguliwa rasmi leo na Makamu wa Rais wa Jamhuri ya Muungano wa Tanzania, Mhe. Deogratius Ndenjembi kwa niaba ya Rais wa Jamhuri ya Muungano wa Tanzania, Mhe. Dkt. Samia Suluhu Hassan.

Shirika la Mawasiliano Tanzania (TTCL) limeendelea kujitanua katika fursa za biashara za kidijitali baada ya kutunukiwa tuzo ya kutambua mchango wake katika kuwezesha na kufanikisha Mkutano wa 23 wa Wahandisi uliomalizika leo, Septemba 25, 2026, katika Ukumbi wa Mlimani City jijini Dar es Salaam.

Waziri wa Ujenzi, Mheshimiwa Abdallah Ulega (Mb), amelipongeza Shirika la Mawasiliano Tanzania (TTCL) kwa kuendelea kuwekeza katika huduma za mawasiliano zinazochochea mageuzi ya kidijitali na kurahisisha upatikanaji wa huduma za mawasiliano kwa wananchi na Taasisi nchini.